Lur neskatilak aho-zabalik entzuten zituen amonaren ipuinak. Egun batean amonari erregalo bat egitea bururatu zitzaion ; zer erregalatuko eta, zaku bat bete ipuin ! Ipuinak biltzeko asmotan Euskal Herritik alde egiten du, eta munduan barrena ibiliko da, herri batetik beste batera. Gaskoinan hasi eta Espainian bukatu, Europa, Amerika, Asia eta Afrikako ipuinez zamaturik itzuliko da, bidean lagun mordoska bat utzita : Groelandiako Taligvak, Mexiko aldeko Copil, Txinako Lu, Ukraniako Sujmanti, Arabiako Ahmed...