Lehen irakurlego harek, Francoren aurka egunero gazteagotzen ginenon belaunaldiak Ehun metro irakurriz hartu genuen bihotzondoa, Aresti irakurriz hartu genuernaren parekoa, hori da nik Saizarbitoriaren lan honetan gehien istimatzen dudana. Geroztik imitatzaileak sortuko zitzaizkion, eta egun badugu jenero poliziako-politikoa gure literatura. Eta zenbaitek, holakoa dela behar dugun literatura, orain eta hemen, dio. Baina, Ehun metro, konbentzionalismoak eta guzti, jeneroko narrazioei gaina hartzen dien nobela da, egileak berak nahi ez badu ere (liburu honetaz amnistia dezagula nahi badu ere). Adiskidetasunean, maitasunean, eta heriotzaren aurrean ere, pertsonaiak traszenditu egiten dute beren jarduna. Liburu alua da hau idatzitakoa besterik irakurtzen ez dakitenen eskuetan.Koldo Izagirre (hitzaurretik)