Nobela honetan kontatzailea Alfredo da, gizon arrunta, guztiz grisa. Txikitatik adiskide mina du Ignacio, abokatua, tortura kasu batean salatutako guardia zibilen defentsa hartu berri duena. Inoiz burutik pasa ez zitzaion torturaren gai hori ezagutu nahi du Alfredok, ulertu, beti ere bere lagunaren alde, haren tokian jarriz, zertan amaituko den ez badaki ere. Hori da eleberriaren harietako bat. Bestea, kontrapuntua, Ignaciok idazten diharduen istorio poliziakoa : nola agertzen diren parke batean emakume gorputz bortxatu eta txikituak, eta nola inspektoreak ezin dion hitzik atera susmagarri bakarra den mutiko izutuari... Hirugarren haria zuk zeuk josi beharko duzu, nobelan esaten ez dena zeure erara osatu, pentsatu edo asmatuz.