Ihes baten kontakizuna duzu nobela labur hau. Bapateko hasieratik bertatik bi pertsonai nagusien noraezeko ibilerari jarraituko diozu jakingurak bultzaturik, eta, agian, behatzaz mapa gainean saiatuko zara zu ere ibilbidea seinalatzen, baldin eta elaberrian izenaik gabe aipatutako herri, bailara eta bideek osatzen duten geografia badakizu ezagutzen. Horrela ez balitz ere, idazleak ez zaitu bide ertzean utziko, azkar, ihesak behar duen abiaduraz, eramanen bait zaitu amaieraraino. Eta nobelaren bukatzearekin batera ustekabe mingotsa aurkituko duzu : Charlot-en pelikula zaharrenetan bezala, pertsonaiek alde egiten duten bitartean pantaila pixkanaka pixkanaka iluntzen da, beltz koloreak mundua irentsi arte, amets guztiak ezabatuz.