Urrutiko aizeak ekartzen dizkigu Nork bere bidea izeneko liburu onek : Arjentinako Tierra del Fuego, Buenos Aires, Patagonia ... Ainbeste euskaldunek korritutako Ameriketak alegia ; baiña ango berri ain gutxik kontatu digutena.
Egillea, Ondarrabiko Juan Jose Irazusta, emezortzi urterekin joan zan lurralde aietara, eta ango lanak bertakoak bezin ondo ikasi. Urteen buruan, berriz, pertsonaje batzuk asmatu, berak an ezagututako giroa eta mundua adierazi eta nobela bikain au osatu zuan, euskera errikoi eta atsegin batean.
Leenengo argitaraldia 1980-ean izan zuan liburu onek ; bigarrena, berriz, 1994-ean egiten diogu, oraingo ontan ere arrera ona izango duan uste osoan.