Garoa, Kresala bezala, ohiturazko nobela edo novela costumbrista delakoa dugu. Idazleak bizimodu zehatz bat erakutsi nahi digu, berori guztioi eredu izan dakigun.
Garoa euskal tradizioaren balore zaharren defentsan oinarritzen da, batez ere bizimodu eta pentsaera berria zabaltzen ari den garaian haiei eusteko beharrizana ikusita. Horregatik nobelan azaltzen den den giroak eta inguru guztiak balore horiek azpimarratzeko helburua dute.
Kresala-k itsasaldeko giro eta bizimodua jasotzen badu, Garoa-n nekazal mundua azalduko zaigu. Nekazal mundu hori Joanes eta beraren familiarengan izpilatuta aurkituko dugu, eredurik hoberena bihurtu direlarik.