Dorian Grayren erretratua 1891n argitaratu zen lehenengo aldiz. Londresko nobleziako jatorri iluneko mutil hedonista eder baten istorioa kontatzen digu eleberriak, arrazoi misteriotsu batengatik, gazte honek bere gaztetasunean jarraitzen du urteak igaro arren, bere erretratuak denboraren erasoa eta protagonistaren ekintza gaiztoen eragina azaltzen duen bitartean. Garai hartako zenbait kritikok adjektibo gaiztoenak ezarri zizkioten obra honi eta eskandalu-iturri izan zen, itxuraz makurkeriarako agertzen duen gonbidapenagatik. Eleberria idatzi zuen garaia Wilderen aberasgarriena izan zen sorketaren aldetik, eta obra hau, bestalde, eskola ingeles dekadentearen gailena kontsideratu ohi da.