Poema bilduma hau amorrazioa eta etsipenaren arteko muga da, eta Kartxi dugu mugalari. «Ihesi» izeneko honetan, gibelean operkutatzen zaituzten ukabilkadak nozitu ditzakezu, disimuloan eta flotazio marraren alde batetan zein bestean. Zail izan ohi halakoak erabakitzen, baina agian esan liteke liburu aurretik argitaratu izan diren beste liburu batzuren ildotik doakigula, «Anfetamiña» edo «Bileterik gabe» bildumen ildotik hain zuzen ere. Lehena baino zuzenagoa eta bigarrena baino koherentzia haundiagokoa, baina batez ere azpitik ari den ahots kolektibo baten barruan ahots berri bat agertuz, esperantzarik ez dela aldarrikatuz, futuroa klaro dagoela egon daitekeen modurik sentikorrenean adieraeziz.