Egileak liburu honetan, Euskal Herriko ahozko literaturan interesgarri eta adierazkorrenak diren Alegia, Ipuin eta Kondairen bilduma bat eskaintzen digu.
Bilduma edo antologia hau, lehenengoz, lagungarri on eta atsegiña zaigu gure euskal kulturaren sustraietaraino hurbildu eta barrentzeko.
Bestalde, han eta hemen euskara ikasten ari diren talde ugariei begira, gure euskal jatorria hobeto ezagutzeko argitasun ematen diguten kontu eta gai horiek berak pedagogizko laguntza baliotsua gertatzen zaizkigu gure arbasoen hizkeraz jabetzeko.
Horregatik, kontu bakoitzaren ondoren hiztegitxo bat ezarri da euskal ikasle eta irakurleen lana errazteko asmotan.
Nolanahi ere liburu honen irakurketa onuragarri edo probetxuzko gertatzen da edonorentzat, atsegin emanez irakasten bait du eta irakatsiz atsegin ematen.
Gaur ikastola, ikastetxe eta Akademietan, eta talde txikitan eta bakarka ere bai, ehunka haur eta gazte euskara ikasten ari direla pentsatuz, liburu honetan herri eta euskalki askotan jasotako ipuinak euskara batuan ematen dira, bi helburu lortu nahiez: bai gure euskal kulturaren sustraietaraino hurbiltzea eta bai gure arbasoen euskara hobeto erabiltzea.