Lazkao-txiki bertsolariak, benetako olerkaria izateaz gain, bertsozale guziak ondotxo ezagutzen zuten beste alderdi bat ere bazuen : bere gertaerak eta txisteak ; bere zelebrekeri edo picaresca alegia.
Orixe izan zan garai bateko Fernando ere mito biurtu zuana. Eta Lazkaoko bertsolaria ere, artean il berria izanagatik, mito egiñik daukagula ukatzerik ez dago. Bera degu, zalantzarik gabe, gure XX-garren mende ontako Pernando Amezketarra.
Ala, beraren gertaera eta txisteen bilduma eskaintzen diogu liburu ontan irakurleari, orri auek parre algara gozorik eragingo diotelakoan.