Eskuetan daukazun liburuxka honetan Loiolako Inaziok bere bizitzaldi baten berri emango dizu. Ez zuen berak idatzi ; Portugalgo A. Gonzalez da Camarari bere ahoz aditzera eman zion. Ez daukazu hemen bere bizitza osoa : hogeita sei urtebete zituenetik Erroman Aitasantuaren mendean Eleiza serbitzen geratu arteko bakarrik. Jesuita batek nolako espiritua, nolako gogoa euki behar duen, historia honetan agertzen da ondo asko. Horregatik eskatu zioten, konta ziezaiela bere bihurtzearen historia (historia baita), azken nahi bezala izan zedin jesulagun guzientzat, horrela fundatuko bait zuen egitan Jesusen lagundia.