Quito-n arrebarekin elkartzen da Nikola, berrogeitaka urtetan ikusi ez duen Denuxirekin, eta han anai-arreba sabelkide maiteen dituzten gaiez mintzatzen dira luze eta zabal : Haurtzaroa, sorterriko lurrak eta jendeak, Ameriketako aurkientzak... Baina batipat, zeru-lurrak batean hartzen dituen 'Eliza' dute mintzagai : Nikolak lurrean ikusi zuen gerra-denborako 'Ipernua', anai linbokoaren mintzoa entzun daiteken 'Bataiagabeen Aurtegia', 'Garbitegia' (Nikolak mugaz bestaldean pairatu zuen Burgatorioa barne), dantza-amets jostalari baten bitartez irudikatzen den 'Zerua', eta bereziki, 'Lurreko Eliza', otoizlari eta Jainko-bilatzailearen 'burruka' edo 'agonia', Jainkoak Nikola eskolatzera bidali duen Elias profetarekiko hizketaldietan xeheki adierazten dena. Eta askotako mintza-molde eta estiloak (elkarrizketa bizia, kontaketa, adierazpen eta arrazoiketa...) aurki daitezke Guatemalako 'Euzko Gogoa' aldizkarian 1950-1954 bitartean argia ikusi zuten solasaldi hauetan.