Jakin dugunez, halako batean iritsi zitzaion Txilikuri estalki beltzezko koadernotxo bat eta han zeuden ipuinak interesgarriak zirela ikusirik, den denak kopiatu zituen. (Hori lotsa ! Irakaslea eta kopiatzen !) Gau osoa pasa omen zuen horretan, baina ez alferrik, orain hemen daude inprimaturik. Hor barruan dabil Kaltxaberde langile trebea, ilusioen ehiztaria, hor dabiltza Tturku eta bere lagun taldea istilu larrietan eta Gotzon eta bere irrati arraroa, magikoa esango nuke... hortxe dabiltza liburuaren orrialdeetan erdi galdurik, bizitza berria emango dien irakurlearen zain...