Asmamen ikaragarria, kontaketarako berealdiko abilezia, umore-sen zorrotz bezain bizia, irakurlea ustekabean harrapatzeko gaitasuna... Horiek dira Roald Dahl-en dohainetako batzuk, Ixtorio hautatu hauetan bikain eta argiro ikus litezkeenak. Argumentu harrigarri eta biribilak sortzen ditu haren irudimenak, baina kontatzeko duen eragatik naturalak, sinesgarriak eta kasik ezinbestekoak iruditzen zaizkizu; eskutik bezala eramango zaitu bere idazkera zuzen eta eraginkorrarekin, eta bukaeran azken kolpea emango, espero gabeko amaiera txundigarria. Itxurazko sinpletasun baten azpian benetako maisutasuna dago ipuinetako tramak nahiz pertsonaiak asmatzerakoan, eta, irakurraldi guztiz atsegina eskaintzeaz gainera, istorio hauetako batzuk ("Mendekua Enea da S.A.", "Autostoplaria", "Beltxarga", "Munduko txapelduna"...) luzaroan geratuko zaizkizu gogoan iltzaturik.