Azken hiru liburu hauetan ipuin, istorio, pasadizo eta eguneroko barregarrikeriak irakurtzeko beta izango dugu.
Zamarriparen prosa arina eta ulerterraza da, kaleko herritarren hizkuntzatik hurbil eta aldi berean edertua eta osatua, baina larregikerietan sartu barik. Zer hobe darabilen bizkaiera aberastu hori baino euskalki honen zukua dastatu nahi duenarentzat ? Kili-kili liburuan agertzen diren kontakizunak ez dira piper eta gatza falta dutenetarikoak, hitz jokoak ditu gustuko. Liburu honetan euskararekiko maitasun sakona nabaritzen da. Euskaldungoa euskaraz irakurtzen zaletu dadin egiten du apostu, horretara bideratuz bere ahaleginak.