"Hau Balkobilko izeneko toki urruna da. Hain da urruna, ezen gainerantzeko toki guztietatik urrun baitago. Kanpotarrentzat ezezik, Balkobilkon bertan bizi direnentzat ere urruna da Balkobilko.
Baina, distantziak distantzia, ezer gertatuko ez balitz bezala jokatu dute Balkobilkoko biztanleek : langabetuak paseatzera ateratzen dira egun eguzkitsu bakanetan ; haurrak eskolara joaten dira nagiak ateraz ; gutxi batzuk lanera joaten dira ; baina, nagusiki, balkobilkotarrek berriketan ematen dute ahal duten denbora gehiena".