Hara hemen zortzi ipuin estilo bizi eta irudimen zorrotzez idatziak guztiak. Lehenengoaren izenburua hartzen du liburuak. Bakoitzean arazo desberdin bat azaltzen digu idazleak eta gero, bere irudimenaz baliaturik, irakurleak gutxien espero duen irtenbidea emango dio askotan arazoari. Jardin bateko harrizko lau lehoi jarriko ditu kanario batekin hizketan. Ez da egoera ederra katua herensugeak eraman dion erreginarena ere. Sam Xaboitsuak ez daki sekretorik gordetzen. Tansy bere amonaren aztarna bila abiatzen da. Oroitarbolako hosto urdin arantzadunak ahalmen magikoak ditu. Ez da lan erraza hiri handi batean oilar bat aurkitzea. Garbi dago, azkenengo ipuinean ikusten den bezala, Euanen izeba Bertha erdi sorgin horietakoa zela.