Selima neska gaztea Marseillan jaioa da, baina bere gurasoak algeriarrak dira. Lehen pertsonan idatziz, Selimak bere bizitza goitik behera aldatuko duen zenbait gertaeraren berri ematen digu. Lizeora joaten, esaterako, Selima izenaren ordez, Anne izena hartzea erabakitzen du, bere burua bazterturik ez sentitzeko. Baina denbora aurrera joan ahala, errealitateari ihes egiterik ez dagoela konturatuko da eta Algeriara joango da bere jatorrizko sustraien bila. Dena dela, han ere bi kulturen artean kateaturik dagoela onartu beharko du.