Umorez betetako nobelatxo honetan beti euria egiten zuen herri bat ageri zaigu. Aterkigilea bakarrik zegoen han pozik. Beste denak nazkatuta zeuden. Baina han azaldu zen behin gizon hankabakar, besamotz, begibakar bat: Zati kapitaina. Haren untzian sartu ziren aitona Matias eta bere biloba Joanito polizoi bezala. Geroago Txatxu txakurra ere elkartu zitzaien uharte batean. Barrez lehertzeko moduko abenturak elkarrekin bizi ondoren, azkenean, Matias eta bere biloba herrira itzuliko dira, egun tristeak alai eta euria eguzki bihurtuko dituen opari batekin.