Jake beldurrez bizi den mutiko bat da. Gutxien gustatzen zaiona etxean bakarrik egotea da. Bere logelako armairua gautxoriz beterik dagoela iruditzen zaio eta giltzaz itxi behar izaten du gauero ohean sartu baino lehen. Lagunekin ere arazo asko izaten ditu; baina Mai Britt izeneko neskatila batekin maitemindurik dago. Arazorik latzena etxean dauka. Izan ere, Jakeren aitari nerbioek ez diote lasai bizitzen uzten. Amak denda batean lan egiten du, baina nahiko gogoz kontra. Mutiko honek etxean bizi duen giroa oso gogorra da. Agian honen ondorioa besterik ez dira Jakeren beldurrak. Liburu sakona, errealitateari ihesik egin gabe idatzitakoa. Gazteek ezezik helduek ere irakurtzeko modukoa.