Gaztetxo talde bat aurkituko duzu liburu honetan batera eta bestera gelditu ere egin gabe. Historia guztietan dago gaizkileren bat, eta Eskubeltz taldeko detektibeek ez diote bakerik emango harrapatu arte. Jolas moduan irakurtzen da liburu hau, testua bakarrik ez, marrazkiak ere irakurri egin behar baitira. Irakurlea bera ere detektibe bihurtzen da liburu honetan. Orri bakoitzari bere marrazkia dagokio eta marrazki bakoitzean detektibetzan aurrera segitzeko behar den aztarna bat dago erdi-ezkutaturik.