Estitxuk amets bakarra du: pirata izatea. Txiki-txikitatik, osaba-izebek handitzean zer izan nahi zuen galdetzen ziotenean "pirata" erantzuten zuen, besteak ikaratuz. Udan eguraldi onarekin hondartzara joaten da olatuen apar artean jolastera, eta bestela pirata-nobelak irakurtzen ditu, burua abenturaz betetzeko. Hala ere, hori ez da nahikoa eta triste dago. Horregatik, Estitxuren gurasoek, eztabaida batzuen ondoren, oporretan uharte batera joatea erabaki dute. Han berriz, auskalo zer gertatzen den.