Harrika deritzan liburu honetan Pello dugu protagonista: 14 urteko mutila, saskibaloian jokatzen duena, eskolan erdipurdi dabilena eta gustoko duen neskak kasu handirik egiten ez diona. Ohizko kontu hauetaz gain badu beste kezkarik ere: bere aitak lan egiten duen lantegia ixtekotan dira, eta langileek lanpostuei eusteko egiten dituzten borroken lekuko da Pello. Honetxek kontatuko digu -urrundik hasieran, gertutik gero- bertan egiten diren barrikada, manifestazio eta bestelako protestaldien berri, aldi berean zalantzakor eta kementsu.