Bizkaiko mendietan izan zen bidelapur eskuzabal bat, aberatsei ostutakoa behartsuen artean banatzen zuena, esaera zaharrak dioen bezala: “Patakon, daukanari kendu, ez daukanari emon”. Halako batean, ordea, Gaztelako tropak atzetik datozkiela, ihesari emango diote Patakonek eta bere lagunek, eta Karibe itsasoan lanbide zaharra berrituz, pirata bizimoduari ekin. Bidelapurrak itsaslapur bihurtuta, hainbat abentura eta gorabehera izango ditu Patakonek Antilla alde hartan: batekin eta bestearekin borrokatu beharra, altxorrak irabazi eta galtzea, maitasunaren gazi-gozoak eta behin eta berriz hilzorian egotea.