Bada Aragoiko Huescan, Pueyo deitu herrian, ostatuetxe bat. Oraindik oraingo negu hondar batean, hara joatea egokitu zitzaigun eskiatzera Txingudi Ikastolako bi maixuri, 14 urteko neska-mutil ikasleekin. Herrira eta etxe handi hartara sartu ordukoxe hasi zitzaizkigun bertakoak gauza harrigarriak kontatzen: bazter haiek sorginduak-edo zeudenekoa... misterioak maiz gertatu ohi izrenekoa... Viñazako Kondearena, Zelinarena... Zer ez, izan ere ! Kontakizun honetan duzu, irakurle, han entzun eta ikusi genuen guztia ahalik zehatzenen bildua. Baldin bukatzean sinetsiko ez bazenit, joan zaitezela Pueyo hartara erregutuko nizuke eta galde dezazula Zelinaz.