Esku artean dugun nobela honetan estalinismoaren aurkako salaketa bortitza egitera ausartu zen egilea. Hain zuzen, Abereen Etxaldea idatzi zuenean (1943), Ingalaterra eta Sobietarren Batasunaren arteko harremanak ez ziren oraindik gehiegi okertu, biak elkarrekin Hitler-en kontra ari zirelako. Hori dela eta, liburu hau kaleratu zenean, eztabaida ugari sortu ziren bazterretan. Orwelentzat, ordea, ez da aski iraultza mamitzea, gero jauntxo berri batzuen menpean egon beharra baldin badago. Badirudi idazle honek, bere akats eta guzti, oso-osoko ezkertiar eta sozialista-idealista izan nahi zuela eta azkenerarte tema horretan iraun zuela.