Labayru Ikastegiak BBKren laguntzaz 1994an argitaratu eban Haur literatura euskaraz: Lehenengo irakurgaietatik 1986ra arte. Haur literatura esatean, bai alfabetatzeko bai irakurgaitzat erabilitako liburuak hartu dira kontuan.
Seve Callejaren lan honen zatitxu bat gazteleraz argitaratu zan La literatura infantil vasca izenburuagaz. Gerora, Labayru Ikastegiak hartu eban euskeratzeko ardurea. Itzulpena eta liburuaren sarrerea Igone Etxebarriak egin zituan.
Liburu honetan, umeentzako erabilitako lehenengo liburuetatik hasi (doktrina liburuak, almanakak...) eta 1986ra arteko ikastola eta inguruko testu didaktikoetarainoko ibilbidea egiten jaku, bakotxaren ezaugarriak zehaztuz.
Asier Astigarraga eta Segundo Oar-Artetaren laguntzaz liburua egitura biribilagoagaz argitaratu zan; diapositiba-bildumea osotu eta liburuaren azkenean dagozan aurkibide zehaztuak egin ebezan-eta.