Gezi Urdina tren elektriko bat da, Francescori gehien atsegin zaion jostailua. Mutiko hau oso pobrea da eta ez dauka dirurik. Trena hantxe dago jostailu-denda baten erakusleihoan beste lagun batzuekin: Txinpart txakurra, indioak, motorista akrobata, Bizarrerdi, txotxongiloak, elikopteroa pilotu eta guzti... Jostailu guzti hauen nagusia Befana sorgina da. Gau batean, haurrek erregaliak jasotzen dituzten gau berezi horretan, erakusleihoko jostailu guztiek ihes egiten dute, Francescoren etxera joateko asmotan. Oso politak eta interesgarriak dira ihesaldi honetan jostailuei gertatzen zaizkien gorabehera eta abenturak. Azkenean, inork espero ez duen bukaera irudimentsu batekin amaitzen du egile handi honek liburua.