Itsasoan gertatutako ekaitz baten ondoren, Gulliver Liliput izeneko uhartera eraman zuten olatuek. Lurra zapaldu bezain azkar lo geratu zen. Baina esnatu zenean, besoak eta zangoak alde bietan lurrari gogor loturik zituela konturatu zen. Berehala, zerbait bizia nabaritu zuen ezkerreko zangoan gora; gizontxo txiki bat zen, hamabost zentimetro ere ez zituen izango. Halako beste berrogei behintzat sumatu zituen lehengoari jarraika. Handik aurrera uste ez zituen gauza asko gertatu zitzaizkion Gulliverri Liliputen. Gulliverren bidaietatik lehena da hemen argitaratzen duguna. Bidai liburu hauekin garai hartako ohiturak kritikatu nahi izan zituen egileak.