Bi kontinente eta bi mende hartzen dituen abentura-nobela bizi-bizia duzu Indianoa. Estilo arin eta jostalariz, atal laburretan zehar, eta pertsonaiak etengabe aldatuz, gerrate karlista, Buenos Airesko gaizkile-giroa, kartzelaren gogorra, oihanean zehar egindako ihesa, indioen arteko bizimodua eta abar agertuko dizkizu Txilikuk, batzuetan Mila eta bat gau eta besteetan Stevenson-en Altxor uhartea gogoraraziko dizuten keinu eta umore-zipriztinak tartekatuz.