Fantasia, beldurra, groteskoa, heriotza... horrelako elementuak dira Poeren ipuinetako oinarria. Baina misterioaren beste alderdi bat ere landu zuen, terroreaz gain: intriga deitu ohi duguna. Izan ere, ipuin poliziakoen sortzailetzat jo izan da Edgar Allan Poe, bere istorioek ezarri baitituzte, neurri handi batean, genero horretako osagai nagusiak. Horren adibide gorena dira Branka bilduman irakur ditzakezun bi liburuak: "Urre-zomorroa" eta "Rue Morgueko hilketak".