Harrigarriak dira benetan Jone izeneko neskatilak egiten dituen ametsak. Askotan, esnatzen denean, egin berri duen ametsarekin nahasten zaio errealitatea. Esnai ala lo egon, Joneren helburua bere ametsetako mutila aurkitzea da. Ile kizkur-kizkurra dauka, beltzarana da, irribarretsu azaltzen zaio ametsetan. Asko saiatu beharko du Jonek bere ametsetako eta bihotzeko mutila aurkitu nahi badu. Lortuko ote du ? Dena dela, gauza bat dauka oso garbi neskatila jator honek : egiten dituen amets arraro eta politak direla bere aberastasunik handiena.