Istorio honek, protagonista den samovar baten eta bere lagun mina den teontziaren arteko eztabaidak eta norgehiagokak kontatzen dizkigu alegia eran eta bizirik dauden objektuen bidez. Samovarra, berez, zera da: Errusian tearen ura berotzeko erabiltzen den ontzia. Ipuin honetako samovarra bere itxura onari eta kobre koloreari buruz harrokeriaz ari zaio teontzi zaharrari. Horrela, bai bata eta bai bestea beren itxuraren garrantziaz eztabaidatzen entretenitzen dira, etxeko nagusiei sua itzaltzea ahaztu zaiela konturatu gabe. Eztabaida sutsuan ari direla biak berotuz joaten dira lehertu egiten diren arte. Era horretan, eta ingurukoek jartzen duten arreta urria dela eta, samovarra puskatu egiten da bere ametsa bete gabe, hau da, Ilargira heltzea.