Literatura... zer da literatura? Beti erantzun berriak asmatzen ibiltzen garen galdera eternal horietakoa dirudi honek ere, pertsonak adina erantzun dituena.
Ez dugu guk sortuko behin betiko argitasuna. Nolabait ere, literatura hitzaren bidez sortzen den artea dugula esan liteke, dela sentimenduak adierazteko, dela istorioak kontatzeko, dela ideiak azaltzeko. Eta gure inguruko herri guztiek beren hizkuntzari bezala eman dizkio euskaldunak euskarari eginkizun horiek guztiak gizaldiz gizaldi.