Piztiez eta animaliez inguraturik bizi izan gara mendeetan. Hainbat miretsi eta gurtu ditugu Euskal Herrian, baina errespetatuak izatetik madarikatuak eta pertsekutatuak izatera pasa dira batzuk, eta beste zenbait akabatu eta desagertarazi ditugu jadanik.
Antxon Gomez basozainak bestiario liluragarria eskaini digu bere lehen liburu honetan. Naturaltasun apalez izkribatu dizkigu abere madarikatuen joan-etorriak, ipuinak historiaz eta mitologiaz zipriztindurik, kondairak eta sinesmenak txertatuz zoologiari. Animaliago bilakatu gaitu, agian.
Otsoa itzuli da Arabara, Bardeetan izandako gepardoen bila gabiktza, amuarrainak harrapatzen ari dira igarabak, Bortuetan ikusi berri dute hartza, azkonarrak ez du ihesbiderik, urtero datoz itsas-txakurrak gure kostaldera... Eta saizuria denak babesten saiatzen da hegaldi luzeetan.