Psikosia Alfred Hitchcock zuzendari eta Anthony Perkins protagonista zituen film gogoangarri bat da irakurle gehienentzat, gu denok ikara batean pantailari adi eta beha eduki gintuena ; zeluloide bihurtu baino lehen, ordea, Robert Bloch idazle bikainaren eleberri bat zen eta, kontakizun poliziakoetako intriga eta terrorezkoetako izuikara maisuki nahasten dituena. Irakurtzen ari zarela, beharbada hotzikara bat edo beste sentituko duzu bizkarrezurrean zehar, agian ileak laztuko zaizkizu uneren batean, baina seguru-seguru ez duzula liburua alde batera utziko. Sar zaitez ba Norman Bates eta bere amaren Motel beldurgarrian, zure amesgaiztoetan betiko bertan geratzeko arriskua baldin baduzu ere.