Hamar urte luzez idatzi eta ondutako liburua duzu honakoa. Liburu bakarra, gaika sailkatua. Hamar ataletako bi, ipuinak dira (aski poetikoak, bestalde) eta gainerakoetan poemak datoz, atal ezberdinen arteko oihartzun eta erreferentziak falta ez badira ere. Denboraren iragazkiak emandako umotasunez -eta egileak ohi duen umorez- erregistro, gorabehera eta gai ugari ageri da poemotan : maitasuna, borroka, bidaia, denbora, poesia... Azken batean, bizitza bera.