Gure baserrietan etxerako gelditzen dan bakarra maiorazkoa izanik, andik erten bearra izan oi dute gaiñontzeko senideak beren ogibidea billatzera.
Orrialde auetako Joan Joxek itxasora jotzen du. Ala, baserritar giro batean asten dan liburua, abentura-nobela biurtzen da. Gure mutil askoren bizitzak ez al du aldakuntza ori bera ezagutu ?
Ori dana, Atañoren euskera gozo, aberats eta eredugarriz jantzia. Gure artean idazle gutxi izango da, erriak egin oi duen izkuntzatik berak paperera ixurtzen duenera alako tarte txikia uzten duenik. Orrek ez dio dotorezirik batere kentzen ; bai, ordea, jatortasunez betetzen.