Harreman zuzena ikusi izan da Chamissoren sorterririk eza —nola Frantzian hala Alemanian arrotz, umezurtz— eta Schlemihl-en itzalik ezaren artean ; hau da erromantikoen artean hain zabaldua den gatazka, gizabanakoa eta gizartearen artean. Itxura eta errealitatearen arteko borrokan, norberaren itzala agertzen zaigu benetako errealitate gisa —Songez au solide esaten digu Chamissok ironiaz—, elkarbizitzarako ezinbestekoa eta inongo urrek ordezkatu ezin duena.