Griffin da eleberriko pertsonaia nagusia : bere burua ikusezin bihurtzea lortu ondoren, ikusezintasun hori dela eta gertatzen zaizkion pasadizoek osatzen dute liburuaren haria. Irrigarriak dira batzuk, eta oso tragikoak, berriz, besteak. Horregatik, tragikomedia gisa ere defini daiteke argumentua, zientzia fikzioko jeneroan obra aipagarrienetakoa den arren, eta eleberriaren abiapuntua errealitate zientifiko jakin batean oinarritua eta logikaz betea bada ere.