"Heriotzaz ez ginen kezkatzen. Ez genuen ezagutzen, ezta horretaz pentsatzen ere, uda hartan gure bizitzara etorri zen arte.
Gu, Sonia, Leo eta hirurok, ekaineko egun lehor haietan bizi ginelarik, gogoz ibiltzen ginen arineketan. Libre egiten genuen korrika, elkarri bultzaka edo eskutik helduta, algarak eta indarge edo isilik eta korrika, zelatan Latvalako ataritik gurdibidera, belardietan zehar, urruneko estalpera Karkalako zingiraraino ; errekaraino ukuiluaren aldamenetik behera, haizeorratzaren azpitik, eta horrek lurreko haren egiten zuen itzalaren gainetik, aurrerago, belar luzeko larretan zehar bati baserriko mugarriraino."