"181...eko urriaren lehen egunetan, Sir Thomas Nevil koronelak (armada ingeleseko ofizial irlandar ospetsuak) bere alabarekin Marseillako Beauvau hotelean hartu zuen ostatu Italian bidaia eginda bueltan zetorrela. Bidaiari sutsuen etengabeko mirespenak kontrako joera sortarazi du, eta turista askok gaur egun nabarmentzearren Horazioren nil admirari hartu dute banderatzat. Bidaiari konformagaitz horietakoa zen Miss Lydia, hau da, koronelaren alaba bakarra.