Xanti Iparragirreren bizitza mende honetako Euskal Herriaren lekuko berezia da, gerra aurreko Añarbeko haurtzaro eskolagabe eta bakartutik hasi eta 2001. urtearen atariko errefuxiatu politiko aitonduaren bizimodu ezkuturaino. "Biziaren azala" deitzen dio berak bere esperientziaren emaitzari. Zinez, azala egiteko moduko bizia da. Eta mami handikoa. Oroz gainetik gizabalio handiko lekukotza dago, nire ustez, Iparragirreren kontakizunetan. Kontakizunen hariak bere bizitzaren hasierako garaiak lantzen ditu, batik bat. Bertsoek osatzen dute benetako historia.