Zezen antzaldatuta bahitu zuen Europak Zeusek. Hala zioen mitoak. Azken garaiotan, berriz, nihilismoaren sareetan bahitua dirudi. Modernitatearen okaso garai honetan mass-medien eztarri asekaitzak (kontsumismoak) hondarrik ere galdu gabe pasa ditu direnak eta ez direnak bere galbahetik. Dena izan da errenditua salerosketaren neurrira. Hedabideak lagun, bestalde, munduaren antolaketa berri baten aurrean gaude. Esate baterako, denbora subjetiboa, gizakien esperantza eta ilusioen gordailu ere izan den barne kategoria hori, luzerako itzali da. Izan ere, etorkizunik ezean zertarako denbora filosofikorik. Berehalakoa da satisfazioa ala ezer ez da.
Europa, Europa. Dama zaharra deitu zion Sarrionandiak poema batean. Bertso hura idatzi eta gaur egunera, a ze aldaketa ! Nazionalistak mapagintzan eta merkatariak...