Herodoto orain dela 2.500 urte bizi izan zen. Tucidides-ekin batera bera dugu Antzinateko historialaririk handiena. Artean Mitoak eta "Logos"-ak mintzo beretik hitz egiten zuten. Pare-parean zeuden fabula eta kronika haren mundu antolaketan. Beste garai batzuk ziren. Kristautasunaren eraginetik urrun, errukirik gabeko mundu heroiko eta arkaikoan gaude. Ovidiorena da azkeneko errelatoa. Metamorfosiak liburutik jasoa da. Harrezkero makina bat poetak entzun ahal izan du Hegoaldeko oihanetako urretxindor haren txio-txioa. Mirandek berak ere seguru baietz.