"Ohera joan ginen eta, beti bezala, niri izeba Karmelerekin tokatu zitzaidan. Haren kontra estu-estu hartu nuen lo. Goizaldean, pasabideko erloju bost kanpai jo zituen eta jaiki egin zen izeba. Nik lokartuarena egin nuen. Isil-isilik janzten ari zela sentitu nuen, gero musu eman zidan kopetan. Gelatik atera zenean, hamar arte kontatu nuen eta, bizkor-bizkor, joan nintzen leihoraino. Handik pixka batera, behebarrutik ateratzen ikusi nituen aita eta izeba".