"Izugarria izan zen gudua. Goizalban lehen argi txintekin batera ekin zioten, eta borrokaldia amaitu zutenean, nekaturik eta gorri-gorri eginda zihoan eguzkia sartzera. Gilles Perrault zaldunak ez zekien garaile atera ote zen ala galtzaile gudazelaitik aldegin zuenean. Bazekien sarraski handia egin zutela, etsai-oste bat hil zuela bere ezpataz, odolez zipriztindurik baitzeraman altzairua ezezik, eskuin besoa."