Euskalduna Euskal Herrian bizi denik eta hona, bere sineskera zahar eta guzti bizi izan da, garaian garaiko aldaketa kulturalak onartu eta bereganatzen joan bada ere. Gorbeiatarren lurraldean, sineskera zaharren munduko ipuin eta esaunda asko jaso da belaunaldiz belaunaldiko ohitura zaharren iraupenari esker.
"Gorbeiatarrak" liburu honetan, Gorbeia inguruan gorde den ipuin altxorrean oinarritutako kontakizunak eskaintzen dira. Irakurri ahala, besteak beste, Mari Anbotokoa, Gorbeiako jentilak, Baltzolako deabrua, Bermeo zein honagoko laminak, eta Markinako basajaunak eta gaurko munduko Garbitxu ibiltaria ezagutzeko aukera ematen da, beren beregiko euskera bizi, gozo eta aberatsa lagun.