Dolores Ibarruri izan da mende honetako emakumerik inportanteenetako bat, ez bakarrik Euskal Herrian, baita mundu osoan ere. Gallartan jaio zen 1895ean, meatzari-sendi batean. Zapalketa eta esplotazio soziala gazte-gaztetatik ezagutu zituen, eta komunismoan aurkitu zuen injustizia horiek konpontzeko bidea. Liburu honetan, Pasionariaren ibilbide politikoaz gainera bere alderdi pertsonala ere ezagutuko dugu : ama izatea, gizonekiko harremanak, erbestealdi luzeko herrimina... Pasioz beteriko bizitza izan zuen Ibarrurik, eta pasio beraz irakurtzen da Alberto Barandiaranek idatzitako biografia hau.
Alberto Barandiaran kazetari altsasuarrak hauxe du lehenengo liburua, baina erreportari gisa egin ditu lan ezagun eta nabarmenak ere, hala nola Oteiza fundazioari buruzko erreportaia, Rikardo Arregi saria irabazi zuena, edo Argentinako diktadurako desagertu euskaldunei buruzkoa, iaz Egunkarian kaleratua.