Sherlock Holmes, garai eta lurralde guztietako detektiberik ospetsuena, bere ikerketarako dohainak erakustera datorkigu liburu honetan elkartu ditugun bi kasu berrietan: "Zilarrizar" eta "Gizon konkortua". Zilarrizar lasterketa-zaldi bat da, txapelketa sonatu baten bezperetan desagertu dena eta bere zaintzailea hilik agertu; okerreko bidetik doaz argibideak, gure Holmes eta bere adiskide Watson doktorea agertu arte. "Gizon konkortua" ere halako misterio konponezin baten itxurarekin agertzen zaigu: senar-emazteak gela barnean ari dira eztabaidan, giltzaz barrutik itxita; senarra hilik agertzen da gero eta hala ere ez omen du emazteak hil...